கரும்பளிங்கிக் கல்லறையில்,

==============================================================

  கரும்பளிங்கிக் கல்லறையில்

  இளஞ்சிவப்பு மலர்    பொதித்து !

               தீட்டப்பட்ட வாசகங்கள்

             தோற்றமும் ,      மறைவும் ,,

               தொடரும் கவிதையுடன் !

       உன்மீது  நான் கொண்ட காதல்

                                      பொய்யென்று

மண்மீது  காதல் நீ கொண்டாயோ ?

      என்னை மேகமாய்  சூழ்ந்தவள் ,                              

                                           இதயத்தில்

      மின்னலாய்  பாய்ந்தவள் .........!

  

          இல்லாதபோது   எனை ஏன் ?

    மரணம்    கொள்ளாது போனது ?

=============================================================        

                இவன்  >  ~:   பிறைத்தமிழன்  :~

இருக்கு ஆனா இல்லை

அடைமழை !  அதனால்
வீட்டைச்சுற்றி  வெள்ளக்காடு
குடிக்க நீரின்றி !
குடியானவன்  கூரைநோக்கி
இருக்கு , ஆனா இல்லை !
மாசற்ற  நீர் !
தூசற்ற காற்று !!
கலப்பற்ற உணவு !!!
இருக்கு , ஆனா இல்லை ...
                      இவன் >> பிறைத்தமிழன்

எருகும் சாம்பலும் ஏளைக்குடிசையில்

    கடலில்  பிறந்து  காற்றால்  தவழ்ந்து

   கரையில்  உரசும்  அலைகளைப் போல

   கவிதைகள்  நூறு  வடித்திடல்  வேண்டும் 

   அகல விரிந்து  பகலவன்  மறைக்கும்

   ஆல   நிழலில் அலுப்புத் தீர

   அயர்ந்து உறங்கிடல்  வேண்டும்

   மங்கள  நிலவில்  மங்கிய  ஒளியில்

   மங்கையின்  மடியில்  மலரும்  நினைவில்

   மழலை  வடிவில்  தவழ்திடல்  வேண்டும் 

   இரவின்  முடிவில்  எழுந்து  அமர்ந்தால்

   என்னைச்சுற்றி  பனித்துளி  படர்ந்த

   பச்சைப் புல்வெளி பளிச்சிடல் வேண்டும்

   தெளிர்ந்த  நீரில்  தெரியும்  தரையில்

   துள்ளிக்குதிக்கும் வெள்ளி மீனை கையில் அள்ளி

   மெல்லத்தமிழ்  சொல்லித்  தந்திடல்  வேண்டும்

   புழுதியற்ற  பொட்டக்காட்டில்  பூத்துக்குலுங்கும்

   புங்கை  மரத்தருகே  நெருஞ்சிச் செடியில்

   நித்தம்  ஒரு  குறிஞ்சிப்பூ  பூத்திடல்  வேண்டும்

   எள்ளும்  புண்ணாக்கும்  எருகும்  சாம்பலும்

   ஏழை  குடிசையிலே  பொன்னும்  மணியாக

   பொருள்மாறி  பொங்கிப்  பெருகிடல்  வேண்டும்

   இது நடக்குமா .>ஆயிரம்  >???????????????????????விகள்

            சிந்தனைக்கு  சிறகுகட்டி       

           செந்தமிழ்  மெருகூட்டி        

          வாழ்க்கையை   வண்ணம்தீட்டி

          வளரும்    தலைமுறை                 

          வாழவேண்டும்  நேர் கோட்டில் ============================இவன் >>>  பிறைத்தமிழன் 

குமுறுகிற தேசமடா

                                                                                                                                                               

ஆயுதம் அணிகலனாம் ,

அதிகாரம் கேடயமாம் !

வன்முறைக்கு வாழ்வளித்து ,

வழிய உயிர்பறிக்கும் ,

உன்மத்தர் வாழுகின்ற

ஊனமுற்ற தேசமடா !

நெற்றி வியர்வைதனை

நிலத்திலே சொட்டியவன்,

உழைத்த பணத்தினிலே

ஒருகவளம்  உண்ணும்  முன்னே  ,

தட்டிப்  பறித்திடுவார் ,

தறுதலை  கூட்டமடா !

பாவப் பணம்   பறிக்க

பாலகர் தமை கடத்தி ,

பேரங்கள்  மிகப் பேசும்

பேடிகள்  நிறைந்துவிட்ட ,

கோரப் பிடிக்குள்ளே

குமுறுகிற தேசமடா !

காவி   உடை யணிந்து

கடவுளை  சாட்சி வைத்து ,

காமப் பசி   போக்க

கன்னியரை சீரழிக்கும் ,

புண்ணியர்கள்  வாழுகின்ற

போக்கற்ற   தேசமடா !

கூறுகெட்ட  மக்களிடம்

கேடுகெட்ட பொருளை விற்க ,

நூறு கட்ட  விளம்பரமும் ,

பேருக்கொரு  இலவசமும்  , அதில்

ஈறில்லை, பேனில்லை  என்றுசொல்லி

எக்கச்சக்க   கொல்லையடா !

முந்தாநாள்    வந்தவர்கள் 

முகவரி     அற்றவர்கள்  ,

முச்சந்தியில்  நின்றுகொண்டு

முழக்கங்கள்  இட்டவர்கள் , 

சாதிக்கொடி    பிடித்து ,

சமூகம்    சீரலிப்பாரடா !

ஆரம்பக்  கல்வியிலே

அரங்கேறும் அகுதக் கொள்ளை ,

உயர்  கல்விச் சாலையிலே

உச்சம்  பெற்று  போனதடா !

 

கொட்டிக்   கொடுத்துவிட்டு ,

பட்டம்வரை   படித்துவிட்டு ,

தட்டித்   தடுமாறி 

தள்ளாடி வரும்போது ,

குட்டிச்சுவரோரம்

கூடி நிற்கும் நண்பரடா  !

சொந்த   நாட்டினிலே ,

சுதந்திரமாய்  ரோட்டினிலே ,

வேலை தேடும் வேலையினை

ஒரு வேலையாய்   செய்யு கிற , 

வேலையில்லா வாலிபர்கள்

வேதனையில் வெட்டிவைத்த ,

                     இது

கல்வெட்டு காட்சியடா  இந்த

கல்வெட்டை திறந்து வைத்த ,

பிறைத்தமிழன் சாட்சியடா !!!

========================================================================

         இவன்   >::    பிறைத்தமிழன்

""ஆசை துறந்தவனுக்கு அகிலமெதற்கு ""

       
          ஒரு   நாள் காலையில்,  என்றோ எழுதிய
                      கவிதை ஒன்றை    கையில்  எடுத்தேன்
          இதயம்  வருடும்  வரிகள்..  இமைக்க மறந்தேன்   
                      காலம்  மெல்ல  என்னை  கடந்து  சென்றது
 
         ஒரு வரி  என்னை  மின்சாரம்போல்  தாக்கியது 
                     மீண்டும் ,மீண்டும்  படிக்க  முயன்றேன்
          மனிதகுல   மீட்சிக்கான  விடை  அந்த
                    ஒற்றை  வரியில்  ஒளிந்து  கிடந்தது

         அந்தி    மாலையில்    அடிவானத்தில்
               அமிழ்ந்து  மறைந்த  பகல்,    காலம்  கரைவதை
      கண்முன்னே   உணர்த்திக்கொண்டிருந்தது
              இருந்தும்     எழ மனமில்லை ஏன் ?

                   பசுமரத்தாணிபோல்   பதிந்துவிட்ட  அந்த 
                  ஒற்றை  வரியை   மீண்டும்   உச்சரித்தேன்
                             """ஆசையோடு அன்புசெய் """
                 """எதுவும் உனது   * இறைவன் *  உள்பட"""

                  நெஞ்சுக்குழிக்குள்  நேற்று  எடுத்த
         மலைத்தேன்   மகரந்தம்   மாறாது
                     ஊற்றப்பட்டதற்க்கு    ஒப்பான   வரி 
         சுட்டரிக்கும்   சூரியன் போல்  சுடர்   விடும்
                    கண்களாய்    என்னருகே   மின்னியது

         கருவறை  தந்து ,   காத்து வளர்த்த  அன்னை
                     நான்   கண் திறக்கும்   முன்பிருந்தே
           கணக்கற்ற    அன்பைப்பொழிவதுபோல்
                     உணர்வுகள்     ஒருனிலைப்பட்டது
        இதயம்    இலவம் பஞ்சுபோல்   இலேசாகிப்போனது
                    அன்பு   என்ற காதல்  வயப்பட்டேன்

          நிரந்தர பகலும்,     நீங்காத வெளிச்சமும்,
                   அதிலிருந்து   பிரிந்து சேரும்    இரவும்,
         பிணியட்ற  ஓய்வும் , காலங்கள் உள்ளிட்ட
                    அனைத்தும்   என்வசப்பட்டது!!
         "::::::::::::::::::::::::::::::::::::::::::::::::::::::::::::::::::::::::::::::::::::::::::::::"
                "ஆசை துறந்தால் அகிலமுனக்கு "
                  இதை சொன்னவன் விட்ட வரி

        பிறைத்தமிழன் பிழை இன்றி தொட்ட வரி 
         ""ஆசை துறந்தவனுக்கு அகிலமெதற்கு ""
       ஆசையாய்  அன்பு செய் இறைவன் உள்பட
                             எல்லாம் உனது!!!!!!!!!

                                                                       இவன் >        :பிறைத்தமிழன்

உறக்கம் திரையிட்டு ,உணர்வை கூர்தீட்டு

 
கேளிக்கையில்  கிறங்கி கிடக்கும்
          இளைஞனே எழுந்து   நில்
    போதையும்  ,புகைமயும்  மட்டுமா       
           பொல்லா    நோயெனும்  புற்று ?

   இசையும், சங்கீதமும் இன்பத்தை தரும்
         திரையில் காதல் தித்திக்கவே செய்யும்
   இது விழித்துக் கொண்டிருப்பர்களிடம்
                 விற்கப்படும் கனவு

   கனவு     காண்பதிலேயே ,
           காலத்தை   கழிக்காதே !
  திரையின்     பிம்பத்தில் ,
         தேசத்தை    தொலைக்காதே!

   பிறந்து குழந்தை அழுவதும்
          பிறகு  சிரிப்பதற்கும்  யார்   கற்று தந்தது
   பிறர்    பேசக்   கேட்பதுவும்
         பெருந்தலை   என   வாழ்த்துவதும்

    சுவர்   ஒட்டி    கொடி   பிடித்து ,
            சுழன்று      பணியாற்றி 
   சொர்க்கமா    சென்றிடுவாய்
           சொல்   இது    சாதனையா?

    மலையென    குவிந்திருக்கும் ,
         மடமைதனை      போக்கிடவே  !
     புயலென      புறப்பட்டு ,
            புதிய    சரித்திரம்   படைத்திட!

     பரந்த  கடலும்  விரிந்த   வானமும் கூட,
             தன்  எல்லையை  மீறுவதில்லை!
     எல்லை   கடந்த  வன்முறை ,
            என்னவென்று   தெரிந்து   கொள் !

    எதிர்த்து     வேரறுக்க ,
          இரும்புத்தடம்    பதித்து !
    நிமிர்ந்து    தலை   தூக்கு ,
          நிமிடங்கள்     வசப்படும் !

    அகிம்சை    காப்போமேன்று ,
          ஆற்றாமை     பேசாதே !
    உறக்கம்   திரையிட்டு,
          உணர்வை   கூர்தீட்டு !

    தீயிட்டு   கொளுத்தாது,
           தீவிரவாதம்    ஓயாது !
  இரும்புத்தடம்   பதித்து,
         இளைஞனே   எழுந்து    வா !!!
                     
                     இவன் :  >  பிறைத்தமிழன்

எக்காளத்தை எதிர்நோக்கி

                                 இறைவனின்  படைப்பில்
                  அற்ப்பமும்  உண்டு  அற்ப்புதமும்  உண்டு 
             அற்ப்புதத்தின்  அதீத  அத்தாட்சி  மனிதப்பிறவி
                        அவனின்    மூலப்பொருள்   "மண் "

                                நீர் நிறைந்த  ஓசை தரும்
              அளர் மண்ணினால் படைக்கப்பட்டவன்  
            அவனில்  குளிர்ச்சியையும் ,ஏரிச்சளையும் ,
             உணருகின்ற  சருமத்தால்  போர்த்தப்பட்டு
                                                அதில் -
                              வெம்மையும் ,கருமையும்
           செம்மையாய்  பொதித்து தன்னை பகுத்து உணர
            வண்ணம்  பிரித்து  இயக்கப்படுகிறான் 'மனிதன்
                    மனிதன்  பலஹீனமானவன்!எனினும்
                                            பலம்மிக்க
                  எண்ணிலடங்கா  ஆட்ற்றலை  கொண்டு
                 ஆக்கம்  பல  கண்ட -அவனின  ஆட்ற்றல்
      அழிவை  நோக்கி பயணப்படுவது  அவனுக்கே  தெரியும்
                                நேரப்போகும்  அழிவை
                   மறைக்கலாமேயன்றி  மாற்ற  முடியாது
                           வியத்தகு   விஞ்ஞானங்களை
                   விதைத்துக்கொண்டிருக்கும்  மனிதனே
                                    நிச்சயம் : ஒருநாள்
                   "எக்காளம்"  எனும்   { சூர் }  ஊதப்படும்
      அப்போது  உன்  சிந்தையை  செயலிழக்கச்  செயப்படும்
                 குறிப்பிடப்பட்ட அந்த நாள் வரும்போது
                         கற்களால் ஆன "மலைகளும்"
         கொட்டிவிடப்பட்ட   பஞ்சுகளைப்போல்   பறக்கும் !
                               கேவளம்  ஓசைதரும்
          அளர்  மண்ணினால் படைக்கப்பட்ட  மனிதனே
          அந்நேரம்   உன்நிலை   என்னவா   இருக்கும் ???
                                 சிந்தித்துப்பார்  இது
           சத்திய  வேதத்தில்  உண்மையைக்கொண்டு
         ஏக   இறைவனால்  எச்சரிக்கை  செய்யப்பட்டது
 சூரியக்குடும்பத்தில்  அங்கம்  வகிக்கும்  "புவி"  உள்ளிட்ட
   அனைத்து  கோள்களையும்  படைத்து   பரிபாலிக்கின்ற
                             ஆலங்களின்  அதிபதியும்
              அகிலத்தின்  ரச்சகனுமாகிய  எல்லாம் வல்ல
  இறைவனுக்கு  இணை  வைப்பதிலிருந்து  விலக்கிக்கொள்
        அவனைமட்டுமே  துதிக்க  பழகிக்கொள்   மனிதனே 
    அப்போது  தான்  நீ;  "சீர்"  பெறுவாய்  உன்  உலக  வாழ்வு
                       போற்றுதலுக்குரிய " நேர் " பெரும் !!!........
       
                         இதை படித்தறிந்து பகிர்ந்துகொள்ளும்
                                                             இவன்      >  பிறைத்தமிழன்