மாற்றான் மனைவி
என் காதலை ,
சொல்ல நினைத்தேன் !
அவள் கண்ணியமாய் எனை -தான் "இன்னொருவன் மனைவி " யென
கொல்ல நினைத்தாள்
ஊரும் , உறவும்
தூரத்தையும் ,
தொலைவையும் அளந்து
ஊரையும் , உறவையும் தீர்மானிக்கும்
செல்வமும் , செழிப்பும் இல்லாதவன்
உருகும் வெயிலில் ஏற்றப்பட்ட
ஒற்றை மெழுகு வர்த்தி ...!!!====================================
இவன்; பிறைத்தமிழன்....
கடவுள்
ஓரிறைக் கொள்கை - என்
உயிர்த் துடிப்பாக
இல்லாது இருந்தால் ,
பணம் மட்டுமே - என்
பாசமுள்ள, கடவுளாக
இருந்திருக்கும் !=====================================
இயற்கை சிதைத்தவர்கள் !இதயம் சிறுத்தவர்கள்,
பூமியைப் பிளந்தவர்கள்,
பூகம்பம் விதைத்தவர்கள் !
நீர் நிலைகளெல்லாம்,
நிரவி விட்டவர்கள் -அதில்
மாடி வீடுகட்ட மணல்
கொள்ளை இட்டவர்கள் !
அதிகார வர்க்கங்களாய்,
அவனியில் நின்றவர்கள் !
சதிகார கூட்டணியில்,
சங்கமம் ஆனவர்கள் !
மரம் மரமாய்
வெட்டிச் சாய்த்தவர்கள்,
மழை வரமாய்
கேட்டு ஓய்ந்தவர்கள் !
அணுவைப் பிளந்து
அறிவைப் பதித்தவர்கள்,
மனுவை குளைத்து
மண்ணில் புதைப்பவர்கள் !
கடவுளே வந்தாலும்கையூட்டு கேட்பார்கள் !
==================================== >>> இவன் பிறைத்தமிழன் . <<<
ஆயிரம் கோடி அணுக்கள் உலவும்,
பின்னிப் பிணைந்த
நரம்புகள் தோறும்!
மின்னல் மேவிஉராய்ந்தது போலே,
அந்நிய ஸ்பரிசம்
ஆட்கொண்ட வேளை!
மெல்லிய இறகெனமேனியில் வருடி,
அள்ளிய கரங்கள்
ஆரத் தழுவின தாலே !
ஆறாம் அறிவும் அழிந்தது போலே ,
நானாக என்னை மீட்டு எடுக்க !
யாதொரு வழியும் தோனா நிலைதனை, தோற்றுவித்தவளின்
தொடரும் நினைவை !
தேனாய் இனிக்க திரும்பக்கேட்டேன்
என் பேனா முனையும் அவள்
பெயர் சொல்ல வில்லை !
===================================இவன் : பிறைத்தமிழன்
