ஈருலக இரட்சகனை ,

===============================================================

    

 வாழும்  வழிதேடி ,
 வறுமையை  சுவைத்தபடி ! 
 வெற்று  காலோடு 
 விரைந்து ஓடுகின்றேன் 
 வேறெந்த  வழியுமின்றி ! 

 உழைக்கும்  கைகளை  

     உயர்த்திப்  பிடித்தபடி !   

     கண்ணியமிக்க  இரவது 

     காணக் கிடைக்கின்ற 

     புண்ணியமிகு ரமளானின் 

     பூரிப்பில் திளைத்தபடி!  

     ஈருலக   இரட்சகனை  , 

    என்னுடைய எஜமானை , 

    இறைஞ்சி  கேட்கின்றேன் , என் 

    இன்னலை  தீர்க்கும்படி!!!

=============================================================

இவன் >>> பிறைத்தமிழன் ;

தொலைந்து போ துக்கமே !

                                                                                    

இன்பம்  எங்களின் எல்லை  கடந்து 
எளிதாய்ச்  செல்லும் போது
எரிக்கத்தெரிந்து  , எதிர்க்கத் துணிந்த
எங்களிடம்  "துன்பம் "
எத்தனை காலம்  இடிந்து  போகா திருப்பு க் 
கொள்ளல்  முடியும் ?

                                                                                             
தொலைந்து  போ  துக்கமே  !
மடிந்து போவோம் என
மனக்கோட்டை  கட்டாதே  !
உறுதியாய்  உன்னைத்  துரத்த
உண்ண மறுத்தும் , உறங்க  மறந்தும்
சடுதியாய்  அடைவோம்  விடியலை !

                                                                                               
உள்ளம்  அழுகின்ற  போது ,
உதடு சிரிக்கும்   போட்டியில்
உச்சப்பரிசு  பெற்றவர்கள்  நாங்கள் !
எங்கள்   சட்டைப் பைகளில் ,
சில்லறை சேரா  சல்லடைக் கிழிசல்கள்
சகஜம்தான்  !        இருந்தும்  ,

                                                                                                         
எம் மக்களென்றும் ,

மக்கள் பெற்ற  மழலை என்றும் ,
உள்ளம் நிறைத்து  ஒய்யாரமாய்  அமர்ந்தபடி,
எங்கள் வீடு ,    வாசல்   நிறைத்து
வசந்தங்களாய்  வலம் வருது , அதில்
பல  வண்ணங்கள்  நிலை பெருது !

                                                                                                        
வறட்சியிலும்  வாழ்க்கை   இனிக்கிறது ,
வறுமையிலும்  பொறுமை  சிறக்கிறது !
இறுதியில்  நெறி நிறை  சீமானாக   இருந்து ,
இறைநெறி  ஈமானோடு  இறப்போம்  என்ற  
 நம்பிக்கை    பிறக்கிறது  ....! 
                                                                                                           
-------~: இவன் > பிறைத்தமிழன் :~------

பொறுமை >

  

தீங்கை  தீண்டாமல்  களைவது
============================================

  பண்பு >         அது ,  

பிறரிடத்துப் பேணும்  மனித  ஒழுக்கம் ...! 

பார்வை       அது ,    

பிரபஞ்சத்தை உருவகப்படுத்துவது ...!

 பிறப்பு >     அது ,     

இறப்பதற்கான  இன்றைய தயாரிப்பு ..!

பீதி >             அது ,     

அச்சத்தின் அடுத்தசகோதரன்...!

  புன்னகை >   அது 

 சத்தம் குறைந்த சந்தோசம்.....!

   பூக்கள் >       அது , 

தாதுக்களையும் , தாவரங்களையும் வேறுபடுத்துவது....!

    பெண் >          அது ,

ஆணில்    தோன்றிய  ஆணுக்கான  அற்ப்புதம் ...!

பேதமை >     அது ,  

 தாழ்வு தனை தனித்துவத்துடன் வேறுபடுத்துவது.... ! 

பைந்தமிழ்  >  அது ,

  மொத்தமாய்  செறிந்து , சிறந்த  முத்தமிழ் ...! 

பொறுமை >   அது , 

 தீங்கை தீண்டாமல்  களைவது ...!

 போர் >          அது  ,     

செயற்கைப் பேரழிவின்   செல்லப் பெயர் ...!

 பெளத்தம் >     அது ,

கடவுளுக்கான மனித முயற்சி ...! 

=============================================================
        >>   இவன்  >>   பிறைத்தமிழன் ..........!

-------------------------------------------------------------------------------------------------------------------

கானல் நீர் >

                                        கானல் நீர்                                            

                                                                                                        

கற்ப்பு >     அது  ,

 பவித்திரத்தை பறைசாற்றும் கலாச்சாரம் ..............!

கானல் நீர் >  அது ,

ஒருங்கிணைந்த உயர் வெப்பம் .....................................!

கிளர்ச்சி >     அது ,

அடங்கமறுக்கும் ஆதங்கத்தின் வெளிப்பாடு..........!

கீழ்ப்படிதல் >  அது  

அதிகாரங்களை ஆமோதிக்கும் செயல் .....................!

குடை  >         அது ,

கைக்குள்  அடங்கிய  காருண்யம் ..................................!

கூப்பாடு >     அது ,  

செய்வதறியாச் சொல்லும் சேதி ....................................!

கெடுதல்  >     அது ,     

பிறருக்கென பெற்ற குழந்தை ..........................................!

கேள்வி  >      அது ,  .

அறிதலைச் செய்யும் ஆராய்ச்சி .....................................!

கைமாறு  >     அது ,        

நன்றிக் கடன் ..............................................................................!

கொள்கை  >    அது ,  

மாற்றத்திற்கு  உட்படாத   விருப்பம் .............................!

கோட்டை >  அது ,
நினைவுகூரும் பெயரிடப்பட்ட பிரம்மாண்டம் .......!

கெளரவம்  >  அது ,
உயர்த்தப்பட்ட  பெருமைமிக்க தனித்தன்மை ........!

க் >>இது ,  

பொருள்பட்ட   புள்ளியல்   நிறுத்தம் ............................!
                                                                                                                                    

                                                                                                                                    

                                     இவன் >>     பிறைத்தமிழன்                                         

நட்பென்றும் , கற்ப் பென்றும் ,

   தூசி ,  புகை   துளியுமின்றி , ஒரு 

   துயில்  கலைந்த  தூரத்து கிராமம்  !

                                                ...........அங்கே 

   பனித்துளி     போர்த்திய 

   பசும்புல்       நுனி   !

                                        .....................அதில்  

   பரவசம்    பொங்க  

   பாதம்  பதித்தேன்  !

  ஒவ்வ   மறுத்த 

   உள்ளுருப்  பனைத்தும் ,

   சில்லென்று   சிலிர்த்து  ,

   சேதி  யொன்றைச் சொன்னதே !

                                          ......................ஆம் 

நகரத்து    வீதிகளில்   ,    

நான் நடக்கும் போதெல்லாம்  !     

தகிக்கின்ற  சாலைகள் ,    

தார்ப்  பாலை  போலன்றோ !     

அல்லும்  ,   பகலும்  ,    

அனல்  காற்று  வீச !     

உள்ளும் ,  புறமும்   ,    

உருகிய   மேனி  !     

 சொல்லும் , செயலும்   ,    

சோர்ந்தே  போக !     

வாழும்    வாழ்வில்   ,    

வசந்தங்கள்  யாவும் !     

வந்து  , வந்து  போகின்ற  ,    

வண்ணக்கனவே  !    

...............என     

சில்லென்று   சிலிர்த்த மேனி   ,   

சேதி  யொன்றை  சொன்னதே  !    

   சொர்க்கமாய்    நகரத்தைச்  சமைத்து   ,    

சுலபமாய்   நரகத்தில்   வாழ்வதை   விட  !    

சுமைகளில்  இருக்கின்ற  ,    
சோகத்தை  தாங்கி  !    

கடமைகள்   நிறைவேற்றும் ,    
கனவுகள்   வேண்டி !    
     

   கானகமும்  ,காடுகளும்     
விதை  இட்டு   மிதிக்கின்ற ,    
தடமாகும்  !      
............. அதில்   ,      


நட்பென்றும்   ,  கற்ப்  பென்றும்  ,     
விளைகின்ற  நாற்றுக்கு      

  இடுகின்ற   உரமாகும்  !     
.............அதுவே      
   

தேவையும்   , தேடுதலும்  ,    
கிடைக்கப்     பெறுகின்ற      

உயர்   கிராமத்துக்      

களமாகும்  ..........!!!      

 
---------------------------------------------------------------------------------------------------------------------------------- 

இவன்   >>>   பிறைத்தமிழன்   

       

  

சீற்றம் >

 

ஒடுக்கவும் , அடக்கவும்  ஒவ்வாநிலை 

                           இயற்கையும் , இயற்றலும்  எல்லை  கடப்பது .

            ========================================================                         

         சக்தி > அது        

         வலிமை   கூறும்   திறன்   ..............................................!

         சாந்தம் >  அது   

         கருணையின்  காந்தக்  குறியீடு ................................!

         சினம் > அது  

         ஒடுக்கவும் , அடக்கவும்  ஒவ்வாநிலை ...............!

         சீற்றம் >  அது  

         இயற்கையும் , இயற்றலும்  எல்லை  கடப்பது .!

         சுழற்ச்சி > அது  

         மாற்றங்கள் , மாறாமல்   நிகழ்வது.........................!

         சூழ்ச்சி > அது       

         பிறரை  தாக்கும்  பேராயுதம் .....................................!

         செருக்கு >  அது  

         செல்வத்தால்   சிறப்புற  வல்லது ...........................!

         சேவகம் >  அது  

         ஊதிய  வரம்பைக்  கடந்த  ஊழியம் ........................!

         சைகை > அது  

         உலக  மொழியின்   உயர் இலக்கணம் ..................!

         சொர்க்கம் > அது  

         சொல்லிலடங்கா  இன்பத்தைச்  சுகிப்பது...........!

         சோதனை > அது  

         நெறிப்படுத்த  நீட்டப்படும்  விரல் ...........................!

          செளவ்கர்யம் > அது  

          வசப்படுத்தப்   பட்ட   வசதி .........................................!

         (இ )ச்சை  > அது  

         ஈடற்ற   சுய   விருப்பம் ..................................................! 

---------------------------------------------------------------------------------------

            இவன் >>   >>>பிறைத்தமிழன்

என்ன தவம் செய்தோமோ ,

{லாஇலாஹ   இல்லல்லாஹு    முஹம்மதுர்  ரசூலுல்லாஹி }

=============================================================

            உள்ளங்கள்   ஒன்றிணைந் திருக்க !

            உயர்  ஈகை  எங்கும்  பொழிந் திருக்க \ 

உலகம்  ஒரு  கொடியின் கீழ்        

உறுதிபெற   நிலைத் திருக்க !      

           வல்லோன்   வகுத்த  வான் - 

           மறை   எங்கும்  செழித் திருக்க !

ஆலங்களின்  அதிபதியாம்  வல்ல ,  

அல்லாஹ்வின்  தூது   வராய் !            

          அழகிய  முன்  மாதிரியாய் ,

          அற்புதத்தின்  பொற்பயனாய் !

 நேர்த்தி மிகு    தலைவருமாய்  ,   

நீதி மிகு     அரசருமாய்  !                  

           காடுகளில்  பாலைகளில் ,

           பணி  படர்ந்த  நாடுகளில் !

சோலைகளில்  தீவுகளில் ,             

சொல்லாற்றும்   நாயகராம் !          

           அறிவு   மலர்ச் சோலை ,

           அறவழி     சாலை ! நபி 

அஹமதை  அள்ளித்   தந்தது ,         

அரபு   மணர்ப்  பாலை !                        

            வல்லோன்   வகுத்த  வான் -

            மறை ,  எங்கும்  செழித் திருக்க !

மனித  னெனும்  பிறவிக்  கடன் ,  

தீராதென    மிகைத் திருக்க !            

            மாநபி  உம்மத் தெனும் உயர் ,

            மகிழ்ச்சியும்  சேர்ந்திருக்க !

என்ன  தவம்  செய்தோமோ ,          

ஏந்தல்  நபி  வழி  நடக்க !                   

           உத்தமத்   திரு நபியின் ,

           உதய  தின   செய்தியாய் !   இது 

உலக  மக்களின்  உணர்வோடு ,

ஒன்றாய்  கலந்திருக்க --> பிரியமுடன் 

------------>> பிறைத்தமிழன் <<--------------